الحل مش الحل

اقرأ لهؤلاء

التكنولوجيا .. وثورة في العلاج الذاتي
لا شك أن التكنولوجيا الحديثة باتت تلعب دورا استراتجيا في تطوير الخدمات الصحية العالمية بصورة تشكل قفزات نوعية كبيرة بداية من الأبحاث المتعلقة بتطوير
	تكنولوجيا محاربة الفساد  .. وصبر الشعب
التعلم خطوة خطوة في ممارسة الديمقراطية هو أحد أهم مكتسبات الشعب المصري خلال السنوات الستة الماضية لاسيما بعد أن نجح
الشباب .. واستراتيجية قومية للإبداع
يدرك الجميع أن مصر واحدة من الدول التي وهبها الله قوة بشرية لا يستهان بها ، إذ إن 60 % من السكان في عمر الشباب أقل من 25 عاما
تحديد حقوق وواجبات الروبوتات
كما يقال، لا قيمة لشيء بدون إثبات وتوثيق ورقي، وفي خضم الضجة العالمية حول النتائج المحتملة لدخولنا ثورة صناعية من نوع جديد، يقودها
الأمن الفضائي .. والتنسيق العربي المطلوب " 1- 3 "
يشكل الأمن والاستقرار، وحماية حقوق الملكية الفكرية أحد أهم متطلبات عملية التنمية الاقتصادية وإقناع المستثمرين

أصدقاؤك يفضلون:

السيد الأستاذ المسئول عن الدولة حاليا ،،،

 

السلام عليكم

 

طبعا سيادتك مستغرب أني ما كتبتش اسمك أو وظيفتك ، في الحقيقة أنا فكرت كتير أكتب لسيادة الرئيس عدلي منصور ، أو لسيادة رئيس الوزراء حازم الببلاوي أو لنائب رئيس الوزرا الفريق أول السيسي ، أو لنائب رئيس الوزرا للعدالة الاجتماعية دكتور حسام عيسى أو لوزيرالتضامن أو أكتب لمين ، المهم قلت أكتب للسيد المسئول عن دولة كبيرة جدا زي بلدنا مصر ، عندي سؤال محيرني جدا ، السؤال هو لو عندك حد معرفه وتحت عينك بس لا مؤاخذة راجل سو وعلى رأي الدمايطة شوكلاتي بيحب المشاكل ، وتقدر تراقبه وتحدد عمايله بالقانون وبالحق ، تبعده عنك وأنت عارف إنه طول عمره بيحب يشتغل من ورا ضهرك وفي الضلمة، ولا تفضل حاطه تحت المراقبة ومحجمه ، أنا عارف أنك مش فاضي لسؤالي بس سيادتك أنا مواطن وخايف علي البلد ، أصل الناس كلها عماله تهلل وتقول على حل جمعية الإخوان ، سيادتك أكيد عارف أن جماعة الإخوان غير جمعية الإخوان غير حزب الحرية والعدالة ، وعلشان أفكر سيادتك جماعة الإخوان جماعة محظورة بقرار من رئيس الوزرا محمود فهمي النقراشي ، ولسه لحد دلوقتي مجرد الاشتراك في جماعة الإخوان يخلي المشترك تحت طائلة القانون ويجوز القبض عليه لانضمامه لجماعة محظورة ، أصل بعيد عن سعادتك جماعة الإخوان لما مسكوا الحكم نسيوا يقولوا لرئيس الوزراء يلغي القرار ، أصلهم كان عندهم حلم الخلافة ودولة الخلافة فخلتهم نسيوا أو ما فكروش في الموضوع ده ، نرجع للحزب ، حزب الحرية والعدالة حزب طالع زى بقيت الأحزاب حسب قانون ينظمه وبالتالي أي حاجة حيعملها غلط ، وما أظنش أنه حيعمل أي حاجة أصلا حتى الزيت والسكر مش حيعمله، تقدروا تشطبوه أو توقفوه أو تحلوه بالقانون ، الشرط في بقاء الحزب انه ما يبقاش الدراع السياسي للإخوان ، أما الجمعية اللي تحت عينينا وقدامنا ونقدر نفتش عليها ونقدر ندخل أعضاء تبع الحكومة فيها لأنها جمعية أهلية ويقدر الأعضاء يطلبوا جمعية عمومية غير عادية ويغيروا مجلس الإدارة ويغيروا حتى لايحة النظام الأساسي ،تعملوا هيصة ودوشه علشان عايزين تحلوها ، طيب تحلوها ليه ، ما هي قدام عينينا وفي إيدنا ، نسيبهم يشتغلوا تاني في الضلمة ولا نخليهم في النور ونوقفهم لو غلطوا ، معلهش أنا يمكن كلامي غلط بس الدوشه اللي اتعملت علشان حل الجمعية مش في صالح البلد ولا في صالح الديمقراطية ، دي أساسا حتبقى في صالح الإخوان وفي صالح فكرة إنهم مطهدين ، يعني إحنا اللي نقوي شوكتهم ونديهم فرص يستفيدوا منها ، أنا آسف جدا بس أنا خايف علي البلد ، وخايف علي ولادي وأحفادي اللي لسه ما جوش ، أحنا بنعمل حاجات يمكن تعدي عادي دلوقت لكن قدام ممكن تكون مشكلة ، أخيرا سؤال واحد كمان محيرني جدا  هو المسلماني وضعه إيه في الحكومة والدولة ، يعني لو اتفق مع الأحزاب على حاجة تبقي لازمن الدولة تنفذها ولا ترجع الحكومة تعمل زي الراجل بتاع الجمعية زمان ، أما أنا قريت في جرنال الأهرام وقتها أن السكر متوفر اعتبارا من اليوم في المجمعات الاستهلاكية وبدون بطاقة ، رحت واخد بعضي ورايح الجمعية ، مدير الجمعية قال لي اسمع يا بني أنا عندي سكر وبتعالج أما الجمعية ما فيهاش حتى معلقة سكر نحلي بيها كوباية شاي ، رديت عليه أنا وقلت له بص شوف جرنال الأهرام بيقول إن السكر نزل في المجمعات ، المدير قال آينعم إحنا مجمعات الأهرام الاستهلاكية لكن لو عايز سكر ومصدق الجرنال روح خد من المطبعة بتاعتهم.

والسلام عليكم ورحمة الله وبركاته.

 

وعلي الله قصد السبيل


طوبة على طوبة والثورة منصوبة

ثورة بطلها حبيب ومصر محبوبة

إوعك تكون فاكر انك بقيت سيد

ولا تكون فاكر لعقولنا  ح تقيد

إحنا كبرنا خلاص وعرفنا إيه عايزين

ما عدش يجدي معانا لابس عباية الدين

بس الحكاية لسه قدامها حمل تقيل

واهم شئ من الأول إن القلوب ما تشيل

غلطة في حق الناس ما يكونش فيها دم 

كل الحاجات إن هانت بسرعة راح تتلم

وأهم من ده ودا انك تكون إنسان

وعلى قد قدر العزم بكره الحقيقة تبان

دي مصر دي اسمها حافرينه جوه قلوب 

لحد ما عضمنا في ترابها بكرة يدوب

طوبة على طوبة والثورة منصوبة

مشاركات القراء