-
IT DATA تعلن عن منحة MCITP في مراكزها المعتمدة للطلبة والخريجين بتكلفة منخفضة
-
الفيسبوكبون يشنون هجوم الكترونيا على موقع توفيق عكاشة
-
اشترك في مسابقة 2012 جنيه دهب من " موبينيل " واكسب جنيهات ذهبيةيومياً واسبوعياً وشهرياً
-
كيونت تطرح "بيور هوم" لمواجهة تلوث مياه الشرب فى مصر بعد الثورة
-
فى مذكرة ل شرف : سكان مدينة العبور يطالبون بنقلهم اداريا لمحافظة القاهرة
-
ب 5000 دولار : "امراة الية " لاقامة علاقات عاطفية مع الرجل
-
من ابناء القطاع : 3 مرشحين لتولى منصب وزير الاتصالات
-
اقبال كبير على التعليم الالكترونى فى مصر لقدرته على ايصال المعلومة اسرع وأقل تكلفة
-
"فودافون" تنفى القبض على 3 من موظفيها لبيعهم كروت بأسعار مخالفة للتسعيرة.. وتبحث تعديل عرض "الكارت كارتين" بما يتوافق مع مصلحة عملائها
-
"Hitech4all.com"يفوز بجائزة ثقافة الجودة بالإعلام العربي من جامعة حمدان بن محمد الإلكترونية
اقرأ لهؤلاء
أصدقاؤك يفضلون:
رؤية
ناجح البواب .. غني يا وحيد"
بقلم : د. ناصر فؤاد
مصر في يوم من ربيع الأول 1434 هـ الموافق يوم من يناير 2013 م
سيدي الرئيس
السلام عليكم ورحمة الله وبركاته
هذه رسالتي السابعة لسيادتكم ، أعلم أنكم مشغولون جدا ... وقد يكون هذا هو السبب لعدم ردكم علىّ أو استجابتكم لخطاباتي،وأستعير من خطاباتي السابقة هذه الفقرة كبداية لهذا الخطاب ولأي خطاب لاحق سوف أرسله ، فقد عقدت العزم والنية بإذن الله على كتابة خطاب يومي لسيادتكم ، ما زلت متمسكا بكم كرئيس لدولة كاملة وليس لفصيل أو جماعة أو حزب ، فمصر التي أنت وأنا نحبها ، أكبر وأعظم من ذلك بكثير ، وأنت أعلم بذلك مني ، وعلى الرغم من ذلك ولعلمي التام بسعة صدركم ورحابة فكركم وحلمك - فهذه صفات من حفظ كتاب الله - (يسم الله الرحمن الرحيم)
وَذَكِّرْ فَإِنَّ الذِّكْرَى تَنفَعُ الْمُؤْمِنِينَ (55) ...وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ (56) مَا أُرِيدُ مِنْهُمْ مِنْ رِزْقٍ ومَا أُرِيدُ أَنْ يُطْعِمُونِ (57) إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ (58) (صدق الله العظيم).
والله ياريس مش عارف أقول لك إيه وابدأ من فين ، أصل الحكاية عاملة زي ودنك من فين يا جحا ، بقى سيادتك الراجل المهندس الطيب اللي ساكن عندنا في العمارة وبيشتغل في بلد عربي ، بعت ابنه علشان يطلع بطاقة رقم قومي ويعمل المعافاة من التجنيد ، أصله طالب ، الراجل بتاع التجنيد في القسم راسه وألف سيف يدخله عسكري بدون مؤهلات علشان معهوش بطاقة رقم قومي وواخد شهادته من بلاد بره ، معلهش أنا حكيت الموضوع من آخره ، الحكاية سعادتك أن الباشمهندس خلص جامعة وسافر بلد عربي ومستناش وظيفة في مصر ، وربنا كرمه بعد ما تعب سنتين في شغلانه مرتبها يدوب يكفيه ، بس هو راجل محترم بيتقي ربنا في شغله وكمان فاهم ، مسك شغل في مكان كويس ، وربنا كرمه كبير فتح عليه ، مش مليونير بس مستور وجدع وكله خير ، القصد اتجوز من مصر ، وأخد مراته وسافروا عاشوا هناك ، وكانوا بينزلوا كل سنة شهر أو أكتر ، لحد ما الولاد كبروا ودخلوا الثانوي ، منزلوش لأن الولاد بيدرسوا في مدارس إنجليزي والمصاريف غالية والحياة صعبة ، والشغل في البلاد العربية مش زي الأول الإجازات بقت ضنينة ، المهم الولد جه السن اللي فيه لازم يطلع بطاقة رقم قومي ، سمع أنهم بيعملوا البطاقة في السفارة المصرية، راح سجل الولد بنفسه في السفارة ، ومدد له الباسبور القديم ، وكل شويه يسأل امتى مأمورية الأحوال المدنية حتيجي ، يقولوا الورق بيتراجع ، الورق جه من مصر وكله تمام ، فاتت سنين ومفيش فايده ، راح زهق وسأل أكتر من واحد ، أخيرا راجل طيب من القنصلية قال له ، نزل ابنك مصر أحسن يعمل البطاقة ويرجع وبالمرة يعمل ورق التجنيد ، أصل العدد عندنا مجابش 500 طلب ، والمأمورية علشان تيجي البلد هنا لازم يكون أكتر من 500 طلب ، وكل ما نقرب ناس تسحب ورقها وتروح تعملها في مصر ، وكده ولا كده ، أحنا حنمدد لك الباسبور القديم سنة ولما تجيب البطاقة نمدهولك خمس سنين ، بالذمة ده كلام طيب كنتم بتعلنوا ليه عن مأموريات البطايق ، وتخلوا الناس تدفعلكم فلوس ليه ، وتقبلوا منهم الطلبات ليه ، وتكلفوا الدولة مصاريف وزكيبة دبلوماسية رايحة بالورق ، زكيبة دبلوماسية راجعة بالطلب ، الباشمهندس استعوض ربنا ونزل مصر هو وابنه ،قال الحكاية بكتيره أسبوع ، حجز تذاكر له ولابنه لمدة 10 أيام ، ربنا سهله معاه وسافر هو بعون الله ، إنما ابنه لسه هنا بقاله حوالي شهر ونص ، بيجري ورا شهادة تحركات ، وأوراق وشهادات ومعادلات ،وقرب يطلع البطاقة ويروح يعمل ورق التجنيد ، الواد زهق قال طيب ما اتجند وأخلص وأشتري نفسي ، أقول لسعادتك إيه ولا إيه ، الراجل بتاع التجنيد قال له اعمل لنا كشف عيله وبعدين قال لهم ماينفعش ، أصلك وحيد والدك الحي.
وعلى الله قصد السبيل ...
من القلب
وقف الكلام من السكات زعلان
أصل السكات من الكلام حيران
لو فيها فايده كان السكات اتكلم
بلا أفعال كل الكلام نصاب جبان
ناصر أفندي فؤاد