رسالة إلى فضيلة الإمام الدكتور مفتي الديار

اقرأ لهؤلاء

التكنولوجيا .. وثورة في العلاج الذاتي
لا شك أن التكنولوجيا الحديثة باتت تلعب دورا استراتجيا في تطوير الخدمات الصحية العالمية بصورة تشكل قفزات نوعية كبيرة بداية من الأبحاث المتعلقة بتطوير
	تكنولوجيا محاربة الفساد  .. وصبر الشعب
التعلم خطوة خطوة في ممارسة الديمقراطية هو أحد أهم مكتسبات الشعب المصري خلال السنوات الستة الماضية لاسيما بعد أن نجح
الشباب .. واستراتيجية قومية للإبداع
يدرك الجميع أن مصر واحدة من الدول التي وهبها الله قوة بشرية لا يستهان بها ، إذ إن 60 % من السكان في عمر الشباب أقل من 25 عاما
تحديد حقوق وواجبات الروبوتات
كما يقال، لا قيمة لشيء بدون إثبات وتوثيق ورقي، وفي خضم الضجة العالمية حول النتائج المحتملة لدخولنا ثورة صناعية من نوع جديد، يقودها
الأمن الفضائي .. والتنسيق العربي المطلوب " 1- 3 "
يشكل الأمن والاستقرار، وحماية حقوق الملكية الفكرية أحد أهم متطلبات عملية التنمية الاقتصادية وإقناع المستثمرين

أصدقاؤك يفضلون:

رسالة إلى فضيلة الإمام الدكتور مفتي  الديار

بقلمالسلام عليكم ورحمة الله وبركاته
فضيلة المفتي انقل لفضيلتكم ما طلبه مني راجل بسيط بلدياتي ، أمي لا يقرأ ولا يكتب ، فجأة شعر بالذنب ويطلب منكم المشورة والغفران.
الرسالة كما هي:
أنا عارف أني غلطان بس نفسي أكفر عن غلطي ومستعد أصوم كفارة بس أرجوك فضيلة الدكتور الإمام المفتي ، مشكلتي أني غلطت ولسه بغلط ، ولو وقفت الغلط حيتخرب بيوت ناس كتير ، هي مش فزورة ولا حاجة ، أكيد فضيلتك عايز تعرف إيه الحكاية ، أنا حقولها لفضيلتك بالأمانة ، بس توعدني بالحماية ، لأن الحكاية فيها ناس تقيله ، المهم يا فضيلتك الحكاية بدأت بأني عامل بعمل مرمة في مصلحة حكومية تبع مقاول ، والمقاول وصاني اشتغل علي مهلي علشان تعد يوميات ، في يوم لقيت الساعي أو الخدمة المعاونة زي ما هم بيسموه دلوقتي ، بيطلبني أقابل راجل من اللي بيلبسوا بدل غالية وبيحط ريحه ملعلعة وبيشرب سجارة بني كبيرة أكبر من صباع الكفتة، مطولش عليك الراجل طلب مني أعمل له شغل في أرض في الصحرا وعايزني أخلصه في خلال شهر بكتيره.
الشغل ده علشان فيه لجنة من المصلحة اللي كنت بعمل المرمة فيها نازله تفتش على أرض الراجل ده ، وعرفت بعد كده أن الراجل كان واخد أرض كتير من الحكومة علشان يوضبها ويبيعها بعد ما يجهزها ، لكن صاحبنا كان واخدها يسقعها ويبيعها ، ومعملش فيها أي حاجة ، واللجنة لو نزلت ولقت الأرض متعملش فيها حاجة حتاخدها منه وتبيعها لحد تاني ، واللجنة برضه هي اللي بلغته بأنها رايحه تفتش عليه ، المهم اشترينا أسمنت و٥٠٠ غطا بلاعة وطوب ، كل يوم أحفر أنا و٥ رجالة من بلدنا حوالي ١٥ حفرة على قد غطا البلاعة وعلي مسافات متساوية ونحط الغطا ولا فيه مواسير أو أي حاجة تحتها ، غطيان مدورة على أنها مجاري ومربعة علي أنها ميه حلوة أو غاز ، قبل الشهر ما يخلص كنت تقريبا خلصت وقبضت وكمان قبّضت الرجالة اللي معايا وطلعت بمبلغ كويس جدا جدا ودفعت مقدم لودر زي اللي الراجل جابه عمل بيه سكك وطرق في الأرض وحط على يمينها وشمالها رصيف كأنها شوارع ، وقبضت الساعي بتاع المصلحة اللي جاب لي الشغلانه وقال انه بيظبّط الكل، في خلال سنة كنت بقيت مقاول وعندي عربيتين قلاب وكام لودر من شغل لجنة المصلحة ، وبقيت مشهور في المصالح اللي زي بتاعتنا وفي كام محافظة.
المشكلة أني في يوم جبت واد يشتغل معانا ملاحظ ، الواد جه وقال لي يا حاج انت كده بتنصب علي الدولة ، انا بنصب ازاي ما هو أنا بنفذ الاتفاق اللي متفق عليه مع البهوات ، واللجنة بتيجي وتوافق عليه ، وده أكيد مش حرام ده مقاولة لكن صحا ضميري في مسألة تانية وهي اللي عايز اكفر عنها لاني باخد علي النفر يوميات وبدفع للنفر أقل منها بكتير واني ساعات ببعت رجالة يلموا غطيان
البلاعات بعد اللجنة ما تمشي ، أنا لو سبتها بتتسرق ، تفتكر ده حرام ولا حلال يا مولانا
أرجوك رد علي بسرعة بس عند ناجح قريبي لأن عندي شغل كتير الأيام دي بحط شجر في صحرا علشان يقولوا إنها مزروعة وبشيله بعدها على طول.
أخيرا
السلام عليك
قرني عمران عمارة المقاول
طرف ناجح البواب أول دكة على يمين العمارة جنب تلاجة الحاجة الساقعة
وعلي الله قصد السبيل
ناصر أفندي فؤاد

: ناصر أفندى فؤاد

مشاركات القراء