الطب .. وسنينه

اقرأ لهؤلاء

التكنولوجيا .. وثورة في العلاج الذاتي
لا شك أن التكنولوجيا الحديثة باتت تلعب دورا استراتجيا في تطوير الخدمات الصحية العالمية بصورة تشكل قفزات نوعية كبيرة بداية من الأبحاث المتعلقة بتطوير
	تكنولوجيا محاربة الفساد  .. وصبر الشعب
التعلم خطوة خطوة في ممارسة الديمقراطية هو أحد أهم مكتسبات الشعب المصري خلال السنوات الستة الماضية لاسيما بعد أن نجح
الشباب .. واستراتيجية قومية للإبداع
يدرك الجميع أن مصر واحدة من الدول التي وهبها الله قوة بشرية لا يستهان بها ، إذ إن 60 % من السكان في عمر الشباب أقل من 25 عاما
تحديد حقوق وواجبات الروبوتات
كما يقال، لا قيمة لشيء بدون إثبات وتوثيق ورقي، وفي خضم الضجة العالمية حول النتائج المحتملة لدخولنا ثورة صناعية من نوع جديد، يقودها
الأمن الفضائي .. والتنسيق العربي المطلوب " 1- 3 "
يشكل الأمن والاستقرار، وحماية حقوق الملكية الفكرية أحد أهم متطلبات عملية التنمية الاقتصادية وإقناع المستثمرين

أصدقاؤك يفضلون:

الطب .. وسنينه

بقلم : د. ناصر فؤاد

لم أكن أتخيل كم النصب الموجود في عالم يفترض أنه عالم "ملائكة الرحمة"، أكمل ناجح معي حديثه عن الطب والأطباء بعد أن انتهى من قصة عمار المنادي.
ناجح : يا باشا فيه كتير دكاترة زي بتاع "جامع فلفل " في أمبابة ، من مدة الراجل الطيب جارنا لاحظ أن نظره بيضعف، لأن عنده عين ما بيشوفش بيها تقريبا، لكن ممكن يميز بيها الضوء .. لف وداخ علي دكاترة كتير ، وكلهم قالوا له لازم تعمل عملية في العين التانية السليمة، لأن فيها مشكلة بسيطة، ولازم تتلحق ، راح لدكتور كبير مشهور .. عيادته واخده دور من عمارة في أرقي حي .. مساعدين، وأجهزة ، دخل للدكتور بعد ما شافه المساعدين ، وبعد ما دفع ييجي ألف جنيه كشف وأجهزة ، الدكتور بص في عينه ، وبعدين قال له لازم نعمل العملية ، واتفق معاه وأخد العربون وعمل فعلا العملية، بعد كام شهر ، الشغل بعته بلاد بره في مهمة .. وهو هناك اتخبط في باب في الشركة اللي رايحها ، أخدوه على المستشفي ، حكى عن العملية اللي عملها في عينه في مصر لدكتور العيون الخواجة وهو بيكشف عليه ، الدكتور قال له أنت ما عملتش عملية في العين دي ولا في عينك التانية، ولو عايز تقرير أديلك تقرير ، الراجل كان حيغمى عليه ، وأول ما رجع حكى لأخيه ، أخوه لا مؤاخذه وشه مكشوف وملابط ، راح حجز عند دكتور العينين المصري إياه ، وأول ما دخل طلب منه تقرير عن عملية أخيه علشان حيسافر بره على حساب الشركة يعمل فحص كامل ، طبعا الدكتور رفض ، وقال أنا كان ممكن أديك التقرير ساعة العملية لكن بعد المدة دي لا ، طبعا بعد شوية قلة أدب وشتيمة وزعيق بصوت خلى الجيران، والشارع سمع الزعيق ، دفع تمن العملية وكمان دفع قد العملية 10 مرات تمن السكوت، وصاحبنا سافر بالفلوس بره وعمل العملية ، ورجع كله تمام .
العبد لله : طيب وازاي يسيب الناس المساكين اللي بيتعالجوا عند الدكتور النصاب ده ، ده ممكن يضر ناس كتير.
ناجح : حاول أخوه يعمل كده بعد ما صرف الشيكات اللي أخدها من الدكتور ، بس الدكتور جاب ناس من العيانين شهدوا إنه كان بيدفع لعيلة جارنا إتاوة لأنهم بلطجية ولما بطّّّّّّّّّل عملوا معاه كده ، وعلشان يخلصوا من المشاكل اتنازلوا كلهم عن القضايا ، الغريب أن من الشهود كان فيه واحد ما بيشوفش خالص بسبب عملية عملها له الدكتور.
وعلى الله قصد السبيل

مشاركات القراء